ಸದಾ ಎನ್ನ ಹೃದಯದಲ್ಲಿ Sadaa yenna hrudaydalli

ಸದಾ  ಎನ್ನ  ಹೃದಯದಲ್ಲಿ 
ಸದಾ  ಎನ್ನ  ಹೃದಯದಲ್ಲಿ    ವಾಸ  ಮಾಡೋ  ಶ್ರೀಹರಿ
ನಾದಮೂರ್ತಿ ನಿನ್ನ  ಪಾದ ಮೋದದಿಂದ ಭಜಿಸುವೆ  ||

ಜ್ಞಾನವೆಂಬೋ ನವರತ್ನದ ಮಂಟಪದ ಮಧ್ಯದಲ್ಲಿ  |
ವೇಣುಲೋಲನ  ಕುಳ್ಳಿರಿಸಿ  ಧ್ಯಾನದಿಂದ  ಭಜಿಸುವೆ  || 1 ||

ಭಕ್ತಿರಸವೆಂಬ  ಮುತ್ತು  ಮಾಣಿಕ್ಯದ  ಹರಿವಾಣದಿ 
ಮುಕ್ತನಾಗಬೇಕುಎಂದು  ಮುತ್ತಿನ  ಆರತಿ  ಎತ್ತುವೆ  || 2||

ನಿನ್ನ  ನಾನು  ಬಿಡುವನಲ್ಲ
ಎನ್ನ  ನೀನು  ಬಿಡಲು  ಸಲ್ಲ |

ಘನ್ನಮಹಿಮ  ವಿಜಯವಿಠಲ
ನಿನ್ನ  ಭಕ್ತರ  ಕೇಳೋ  ಸೊಲ್ಲ ||